歌手梁钊峰日前出席“港铁艺术舞台”开幕礼，喺香港站繁忙嘅放工时段献唱新歌《已……》、《28天》同《天梯》3首歌。当钊峰出场时即刻炒热气氛，引得现场Fans欢呼不已，非常开心投入， 更吸引左好多乘客围观听佢嘅靓声，佢唱出《28天》时不少途人停低脚步打卡！当唱《天梯》时，台下一众主礼嘉宾更一起和唱，相当投入。钊峰话第一次以个人身份喺港铁站唱歌：“成日经过呢个车站，有得唱歌真系唔同啲！以前我都成日街头Busking，嗰阵时都冇呢个字，总之我系唱歌而唔系卖艺，因为冇收钱嘅！当时永远唔知会遇到咩人，系讲缘份、即兴，好珍惜舞台度见到大家。”
“港铁艺术舞台”因受疫情影响而停办，呢日以新面貌、新元素同大家见面，为艺术表演爱好者提供全新表演舞台一展所长，钊峰赞赏对艺术发展系好事：“其实有呢个舞台存在已经系推动艺术。”
呢日拍住钊峰同场表演嘅仲有由残疾及伤健人士组成的香港共融乐团，钊锋仲坐定定欣赏对方演出。完骚后钊锋在香港站内与Fans影合照才离场，相当识凼粉丝！
